संस्थेच्या स्वमालकीच्या ९ कोटीच्या मालमत्ता,तसेच आपण दरवर्षीच्या नफ्यातून रु.३६ कोटी रक्कमेचे उभारलेले निधी,सुरक्षित बँकांमध्ये रु.९० कोटी रक्कमेची आपण केलेली गुंतवणूक,स्थानिक नामांकीत संचालक सहकारी वर्ग,प्रशिक्षित कर्मचारी आणि आपल्यासारखा सुजाण ग्राहकवर्ग ही संस्थेची बलस्थानं आहेत ! यामुळे कोणतेही नैसर्गिक संकट आले तरी संस्था त्याला समर्थपणे तोंड देऊ शकते,याबाबतीत सर्वांनी निश्चिंत असावे.समाजातील सर्व घटकांना त्यांच्या जवळ चांगल्या दर्जाची बँकींग सेवा पुरविण्यात आपण यशस्वी झालो आहोत.सीबीएस प्रणाली,मोबाईल बँकिंग ॲप,आरटीजीस सुविधा अशा अद्ययावत बँकिंग सुविधा ग्राहक अनुभवत आहेत.लवकरच व्यवसायावाढीसाठी एक आधुनिक सुविधा चालू करण्याचा मानस आहे.संस्थेचा व्यवसाय गतीने गतिमान होत आहे,३१ मार्च २०२३ रोजी आपल्या सर्वांच्या सहकार्याने ३५१ कोटी इतक्या एकत्रित व्यवसायाचा टप्पा गाठलेला आहे.